Thoini Stop teshtimave dhe dhimbjes të grykës! Echinacea, trëndafili I egër dhe kërpudhat do të jenë arma juaj!

Pas një vere të gjatë me teprime dhe netë pa gjumë, ka ardhur koha që të kthehemi në ritmet normale për të përballuar kështu më mirë dimrin. Për këtë na vjen si ndihmë vjeshta duke na krijuar "rezervat" tona mbrojtëse. Kjo është arsyeja përse mendova të shkruaja për bimë që njohim dhe që i gjejmë pothuajse në çdo farmaci bimore.

Këtu dua të shtoj që sidomos në këtë periudhë duhet të rrisim marrjen e vitaminës D jo vetëm të vitaminës C. Vitamina D, duke pasur parasysh ekspozimin e pakët ndaj diellit, ulet në përqendrim në trupin tonë. Përveç burimeve shtazore (si mëlçia e merlucit, peshqit dhe djathërat jo të staxhionuar të qumështit) kemi edhe ato bimore si kërpudhat tona të bukura champignon. Ngjyra e tyre e bardhë u jep edhe aftësi mbrojtëse të mushkërive.

Ju uroj një lexim të këndshëm dhe pres komentet tuaja! Mirë u dëgjofshim së shpejti!

Echinacea angustifolia.

 Ekzistojnë disa lloje të kësaj bime të bukur ndër të cilat ne kryesisht përdorim atë angustifolia (emri angustifolia gjethe shumë të ngushta). Ajo përdorej nga indianët amerikanë kundër kafshimeve të gjarprit, etheve dhe plagëve që ishin të vështira për tu trajtuar. Emri ka origjinë  nga bratea që mbron lulet, echinos në greqisht do të thotë iriq.

Ajo përmban vajin e saj esencial, echinacoside (fenol të cilit i detyrohen vetive anti-bakteriale dhe anti-viral), echinacin (një polisakaride, sheqer shumë i madh), inulin (fibër i tretshëm që mbron florën tonë të zorrëve), fitosterole (vajra bimore), acide yndyrore .

Integriteti i lëkurës është shumë i rëndësishëm sepse ajo është pengesa e parë kundër hyrjes së mikroorganizmave patogjenë. Këtu Echinacea vepron me acidin jialuronik të pranishëm në lëkurën tonë, duke rritur nivelin e tij dhe duke formuar një kompleks polisakarid (të sheqernave) në kolagjenit e indeve të lidhjes dhe të substancës intersticiale (ajo që gjendet midis një indi dhe tjetri) .

Duke vepruar kështu, në rast të një kontakti me mikroorganizma patogjenë nuk ka degradim të acidit jialuronik por ai rritet në nivel. Ky aktivitet (i shpjeguar në një mënyrë shumë të thjeshtë dhe jo shumë "shkencore") quhet veprim antijaluronidazica. Për këtë arsye ekstrakti i Echinacea përdoret gjithashtu në kozmetikë jo vetëm për proceset infektive të lëkurës (aknet, plagët, psoriasi, ekzemë) por edhe në zvogëlimin e rrudhave, për trajtimin e shenjave të lëkurës të thatë ose të plasaritur. Prania e pjesës polisakaridike (echinacin) i jep një aktivitet kortizonik kështu që nëse merret në të njëjtën kohë me bakteret e acidit laktik ajo përmirëson mirëqenien e zorrëve. Prania e inulinës e bën atë të papërshtatshëm për gratë shtatzëna.

Përgatitni një dekot duke përdorur një lugë gjelle rrënjë të tharë për 200 ml ujë të ftohtë e cila më pas vendoset të ziejë dhe e lemë në flakë për 5 min. Pas kësaj lëreni të ftohet për 10 min. Filtroni dhe pini deri në dy gota në ditë për dy javë rresht.

Trëndafili i egër (rosa Kanina).

Kjo shkurre e bukur ka fruta të vogla që janë shumë të pasura sidomos me vitaminë C. Ndër të tjera ajo përmban Vitaminë P, Provitamina A, acide organike, sheqer të konvertuar, tanin.  Përdoret për të rritur imunitetin në rastet kur trupi ynë është i dobësuar ose në rastet e diarresë të fëmijëve të vegjël, anemi, probleme në traktin urinar. Këtu është shumë e rëndësishme që fryti të vilet sapo të fillojë ndryshimi i ngjyrë në të kuqe sepse nëqoftëse kalon shumë kohë në  pjekje humbet sasinë e vitaminës C. Për fat të keq edhe koha konservimit  ndikuar në mënyrë negative, d.m.th. humbet 50% e vitaminës në një vit të konservimi edhe sepse në kushte të përshtatshëm.

Përgatitja është si echinacea. Ashtu si dhe doza.